THE PUBLIC POST
کراچی: سندھ حکومت کی جانب سے فلم ’’میرا لیاری‘‘ کی ریلیز کی تاریخ کا اعلان کر دیا گیا ہے۔
سینئر صوبائی وزیر شرجیل انعام میمن نے سوشل میڈیا پلیٹ فارم ایکس پر ٹوئٹ کے ذریعے بتایا کہ فلم 8 مئی 2026 کو پاکستان میں ریلیز کی جائے گی۔
انہوں نے مزید بتایا کہ فلم ’’میرا لیاری‘‘ کا ورلڈ پریمیئر 2 مئی 2026 کو برٹش فلم انسٹی ٹیوٹ لندن میں ہوگا، جہاں یہ 28 ویں یوکے ایشین فلم فیسٹیول کے دوران بھی پیش کی جائے گی۔
اعلان کے مطابق فلم کو بین الاقوامی سطح پر نمائش کے بعد پاکستان میں باقاعدہ طور پر ریلیز کیا جائے گا۔
واضح رہے کہ اس سے قبل سندھ حکومت نے اس فلم کے حوالے سے اعلان کیا تھا، جس کے بعد اب اس کی ریلیز کی حتمی تاریخ سامنے آ گئی ہے۔
