THE PUBLIC POST
کراچی کے علاقے منگھوپیر میں گھر میں ڈاکوؤں کی فائرنگ سے میٹرک کا طالبعلم جاں بحق ہو گیا۔
پولیس کے مطابق مقتول کی شناخت 15 سال کے روشن کے نام سے ہوئی ہے۔
مقتول کے والد روئیداد حسین نے میڈیا سے گفتگو کرتے ہوئے کہا کہ 6 ڈاکو واردات کے لیے گھر میں داخل ہوئے جن میں سے 2 مسلح افراد پولیس کی وردی میں تھے۔
والد نے کہا کہ ڈاکوؤں کی آہٹ سنتے ہی میں اپنے کمرے سے باہر آیا، دوسرے کمرے سے میرا بیٹا بھی نکلا، ملزمان نے اچانک فائرنگ شروع کر دی۔
روئیداد حسین نے کہا کہ میرے بیٹے کو ایک گولی سینے میں لگی اور وہ موقع پر ہی دم توڑ گیا، اعلیٰ حکام سے اپیل ہے ملزمان کو جلد گرفتار کیا جائے۔
ان کا کہنا ہے کہ مقتول 8 بہنوں کا اکلوتا بھائی تھا۔
