کراچی: اسپیشل بچوں کیلئے چڑیا گھر میں داخلہ فیس ختم

کراچی کے چڑیا گھر میں اسپیشل بچوں کے لیے داخلہ فیس ختم کر دی گئی۔

میئر کراچی مرتضیٰ وہاب نے چڑیا گھر کے افسران کو اسپیشل بچوں کے لیے داخلہ فیس ختم کرنے کے فوری احکامات جاری کیے ہیں۔

مرتضیٰ وہاب کا کہنا ہے کہ اسپیشل بچے ہمارا قیمتی اثاثہ ہیں اور معاشرے کو ذمے داری لینی چاہیے۔

ان کا کہنا ہے کہ سندھ حکومت اسپیشل بچوں کے لیے روزگار، ہنر اور آگاہی منصوبے چلا رہی ہے۔

میئر کراچی نے یہ بھی کہا کہ اسپیشل بچوں کے لیے جدید تعلیم، معاون آلات اور موزوں نصاب ترجیح ہے۔