ڈیفنس موڑ میں ریڈ بس کی ٹکر،12 سالہ بچہ جاں بحق

کراچی: ڈیفنس موڑ آغا خان سگنل کے قریب ریڈ بس کی ٹکر سے 12 سالہ بچے کی ہلاکت کے واقعے کی سی سی ٹی وی فوٹیج منظرِ عام پر آگئی ہے۔

فوٹیج میں دیکھا جا سکتا ہے کہ ریڈ بس موٹر سائیکل سے ٹکرانے کے بعد سوار افراد سڑک پر گر گئے۔ حادثے کے نتیجے میں 12 سالہ بچہ جان کی بازی ہار گیا جبکہ دیگر افراد بھی زخمی ہوئے۔

پولیس کے مطابق واقعے کے بعد بس کو تحویل میں لے لیا گیا ہے جبکہ ڈرائیور کو گرفتار کرکے تفتیش شروع کر دی گئی ہے۔ حکام کا کہنا ہے کہ حادثے کی وجوہات جاننے کے لیے سی سی ٹی وی فوٹیج اور دیگر شواہد کا جائزہ لیا جا رہا ہے۔