THE PUBLIC POST
اسماعیلی برادری کے روحانی پیشوا پرنس شاہ رحیم الحسینی نے پاکستان میں اسماعیلی برادری پر زور دیا ہے کہ وہ صراطِ مستقیم پر ثابت قدم رہے اور اتحاد، امن و برداشت اور پرامن بقائے باہمی کو فروغ دے۔
آغا خان پنجم نے منصب سنبھالنے کے بعد گلگت کا پہلا دورہ کیا، جہاں ان کے دیدار کے لیے گلگت بلتستان اور چترال کے 6 مختلف مقامات پر خصوصی دربار اور انتظامات کیے گئے۔
اپنے خطاب میں پرنس رحیم آغا خان نے کہا کہ اسماعیلی برادری کا ایمان دینِ اسلام کے بنیادی عقائد یعنی توحید، حضرت محمد ﷺ کی ختم نبوت اور قرآن مجید کو اللہ تعالیٰ کی آخری وحی ماننے پر مبنی ہے۔
انہوں نے اسماعیلی برادری کے افراد پر زور دیا کہ وہ امن، برداشت، اخلاقی رویوں اور ذمہ دار شہری ہونے کے ذریعے انسانیت کی خدمت کا سلسلہ جاری رکھیں۔
آغا خان پنجم نے اپنے پیغام میں باہمی احترام، ہم آہنگی اور سماجی خدمت کو معاشرے کے استحکام کے لیے ناگزیر قرار دیا۔
