THE PUBLIC POST
دبئی میں مقیم مشہور بھارتی ٹریول انفلوئنسر اور فوٹوگرافر انونے سود 32 برس کی عمر میں لاس ویگاس میں چل بسے۔
بھارتی میڈیا کے مطابق انونے سود کے اہلِ خانہ نے یہ افسوسناک خبر ان کے آفیشل انسٹاگرام اکاؤنٹ کے ذریعے مداحوں سے شیئر کی۔
جاری کردہ بیان میں کہا گیا کہ خاندان اس سانحے کے دوران پرائیویسی کا خواہاں ہے اور مداحوں سے اپیل کی گئی ہے کہ وہ اس مشکل وقت میں اہلِ خانہ کے جذبات کا احترام کریں تاہم، اہلِ خانہ کی جانب سے انونے سود کی موت کی وجہ ظاہر نہیں کی گئی۔
یاد رہے کہ انونے سود بھارت کے نمایاں ٹریول کنٹینٹ کری ایٹرز میں شمار ہوتے تھے، ان کے انسٹاگرام پر 14 لاکھ سے زائد فالوورز جبکہ یوٹیوب پر 3 لاکھ 80 ہزار سے زیادہ سبسکرائبرز تھے، وہ اپنی دلکش فوٹوگرافی، ڈرون شاٹس اور کہانی سنانے کے منفرد انداز کے باعث دنیا بھر میں مقبول ہوئے۔
انونے سود کو تین سال مسلسل فوربز انڈیا کی ٹاپ 100 ڈیجیٹل اسٹارز کی فہرست میں بھی شامل کیا گیا تھا۔
