THE PUBLIC POST
کراچی کے علاقے گلشن اقبال میں لیاری ایکسپریس وے پر ٹریفک حادثے کے نتیجے میں ایک نوجوان جاں بحق جبکہ اس کا ساتھی زخمی ہوگیا۔
میڈیا رپورٹس کے مطابق پولیس کا کہنا ہے کہ حادثہ تیز رفتار ڈالے کے فٹ پاتھ سے ٹکرانے کے باعث پیش آیا۔
اطلاع ملتے ہی امدادی ٹیمیں اور پولیس حکام موقع پر پہنچ گئے اور جاں بحق ہونے والے شخص کی لاش اور زخمی کو فوری طور پر عباسی شہید اسپتال منتقل کیا گیا۔
پولیس کے مطابق جاں بحق ہونے والے نوجوان کی شناخت 25 سالہ حمزہ جبکہ زخمی کی معاویہ کے نام سے ہوئی ہے۔ ضروری کارروائی کے بعد حمزہ کی لاش ورثاء کے حوالے کر دی گئی، جبکہ زخمی کو طبی امداد فراہم کی جا رہی ہے۔
حکام کا کہنا ہے کہ حادثے کی مزید تحقیقات جاری ہیں۔
