کراچی میں تیز بارش، میئر شہریوں سے احتیاط کی اپیل

کراچی میں شہر کے مختلف علاقوں میں بارش کا سلسلہ شروع ہوگیا ہے اور تیز بارش کی وجہ سے شہریوں کو احتیاط کی ہدایت دی گئی ہے۔

میئر کراچی مرتضیٰ وہاب نے سماجی رابطوں کی ویب سائٹس پر ویڈیو جاری کرتے ہوئے کہا کہ اس وقت شہر میں بہت تیز بارش ہو رہی ہے۔

میئر نے شہریوں سے گزارش کی ہے کہ وہ گھبرائیں نہیں اور غیر ضروری نقل و حرکت سے گریز کریں تاکہ کسی حادثے یا مشکل صورتحال سے بچا جا سکے۔ بارش کے باعث ممکنہ طور پر پانی جمع ہونے یا ٹریفک میں رکاوٹ پیدا ہونے کے خدشات ہیں، اس لیے عوام سے احتیاط برتنے کی اپیل کی گئی ہے۔

محکمہ موسمیات نے بھی کراچی میں بارش کی اطلاع دی ہے اور شہریوں سے کہا ہے کہ وہ موسم کی صورتحال سے آگاہ رہیں اور ضرورت کے وقت احتیاطی اقدامات کریں۔