حکومت کا عازمینِ حج کے لیے بڑے ریلیف کا اعلان

Ministry of Religious Affairs and Interfaith Harmony Pakistan نے عازمینِ حج کے لیے اہم سہولت کا اعلان کرتے ہوئے ملک بھر کے 10 حاجی کیمپوں میں تمام مراحل ایک ہی دن میں مکمل کرنے کا فیصلہ کیا ہے۔

اس اقدام کے تحت تربیت، ویکسی نیشن، اور سفری دستاویزات کی فراہمی سمیت تمام ضروری امور ایک ہی مقام اور ایک ہی دن میں انجام دیے جائیں گے، جس کا مقصد عازمین کے وقت اور اخراجات میں نمایاں کمی لانا ہے۔ حکام کے مطابق اس سہولت سے تقریباً ایک لاکھ 19 ہزار عازمینِ حج مستفید ہوں گے۔

حج آپریشن کے دوسرے مرحلے کا آغاز بدھ سے ہوگا، جس میں Islamabad، Lahore، Karachi، Peshawar، Quetta، Faisalabad، Multan، Sialkot، Sukkur اور Rahim Yar Khan کے حاجی کیمپ فعال ہوں گے۔

اس ون ونڈو آپریشن کے تحت عازمین کو ایک ہی چھت تلے حج تربیت، لازمی ویکسی نیشن، ہوائی ٹکٹ، ویزا، شناختی لاکٹ، لگیج ٹیگز اور ادویات کی پیکنگ جیسی تمام سہولیات فراہم کی جائیں گی، تاکہ انہیں مختلف دفاتر کے چکر نہ لگانے پڑیں۔

ترجمان کے مطابق عازمین کے لیے ویکسی نیشن اور تربیتی سیشن کا مکمل شیڈول Pak Hajj App پر دستیاب ہے۔

وزارت نے ہدایت کی ہے کہ عازمین حاجی کیمپ میں آمد کے وقت اپنا اصل قومی شناختی کارڈ اور تصویر والی کمپیوٹرائزڈ بینک رسید ہمراہ لائیں، جبکہ سہولت کے لیے کیمپوں میں کرنسی کے تبادلے کے لیے بینکوں کے خصوصی کاؤنٹرز بھی قائم کیے گئے ہیں۔