چینی رنر نے 10 ہزار کلو میٹر دوڑ 100 دن میں مکمل کر لی

چین سے تعلق رکھنے والے ایک الٹرا میراتھن رنر نے غیر معمولی عزم اور جسمانی برداشت کا مظاہرہ کرتے ہوئے مسلسل 100 دن تک روزانہ 100 کلومیٹر دوڑ کر ایک منفرد عالمی کارنامہ انجام دے دیا۔

رپورٹس کے مطابق ہوانگ ژینگ لونگ، جو لانگ شاؤ کے نام سے بھی جانے جاتے ہیں، نے 6 دسمبر 2025 سے 15 مارچ 2026 کے دوران جنوبی چین کے شہر Foshan میں یہ چیلنج مکمل کیا۔ اس دوران انہوں نے مجموعی طور پر 10 ہزار کلومیٹر کا فاصلہ طے کیا، جس نے انہیں عالمی سطح پر نمایاں کر دیا۔

یہ کارنامہ طویل فاصلے کی دوڑ کے میدان میں حالیہ برسوں کے مشکل ترین چیلنجز میں شمار کیا جا رہا ہے، کیونکہ مسلسل 100 دن تک روزانہ 100 کلومیٹر دوڑنا انسانی برداشت کی انتہائی حدوں کو چھونے کے مترادف ہے۔ اسی وجہ سے انہیں Guinness World Records میں شمولیت کے لیے مضبوط امیدوار قرار دیا جا رہا ہے۔

ہوانگ ژینگ لونگ نے اس ہدف کے حصول کی تیاری COVID-19 کے دوران شروع کی اور بعد ازاں مکمل توجہ تربیت پر مرکوز کرنے کے لیے اپنا کاروبار بھی ترک کر دیا۔ انہوں نے اس سے قبل ایک سال تک مسلسل روزانہ دوڑ کی مشق کی، جس کے ذریعے اپنی جسمانی صلاحیت کو بتدریج بہتر بنایا۔

ان کی تربیت ایک منظم نظام کے تحت کی گئی، جس میں خوراک، آرام (ریکوری) اور کارکردگی کی مسلسل نگرانی شامل تھی۔ اس 100 روزہ چیلنج کے دوران ایک پیشہ ور ٹیم، بشمول طبی ماہرین اور ماہرینِ غذائیت، ان کے ساتھ رہی تاکہ وہ اس سخت مرحلے کو محفوظ انداز میں مکمل کر سکیں۔