THE PUBLIC POST
سیہون میں حضرت لعل شہباز قلندر کے مزار کی نذرانے کی پیٹیاں کھول دی گئیں، جن سے کروڑوں روپے نقد رقم کے ساتھ سونا، چاندی اور غیر ملکی کرنسی بھی برآمد ہوئی۔
چیف ایڈمنسٹریٹر اوقاف مختیار ابڑو کے مطابق نذرانے کی پیٹیاں 8 ماہ اور 14 دن بعد کھولی گئیں اور گنتی کا عمل 4 روز تک جاری رہا۔ اس دوران مجموعی طور پر 2 کروڑ 38 لاکھ 78 ہزار 750 روپے برآمد ہوئے۔
انہوں نے بتایا کہ نذرانے میں بڑی مقدار میں سونا اور چاندی بھی شامل ہے، جسے توشہ خانے میں محفوظ کیا جائے گا، جبکہ غیر ملکی کرنسی بھی نذرانے کا حصہ نکلی۔
مختیار ابڑو کے مطابق گنتی کا عمل اوقاف حکام کی نگرانی میں مکمل کیا گیا اور حاصل ہونے والی رقم بینک میں جمع کرا دی گئی۔
