THE PUBLIC POST
امریکی ریاست فلوریڈا میں یونیورسٹی آف ساؤتھ فلوریڈا کے بنگلادیشی پی ایچ ڈی طالبعلم کی لاش ملنے کے بعد اس کے روم میٹ پر دو افراد کے قتل کا مقدمہ درج کر لیا گیا۔
پولیس کے مطابق 26 سالہ حشام ابو غاربیہ پر زامل لیمون اور ناہیدہ برسٹی کے قتل کے الزام میں فرسٹ ڈگری مرڈر کی دفعات عائد کی گئی ہیں۔
27 سالہ زامل لیمون کی لاش جمعہ کے روز ہاورڈ فرانکلینڈ برج سے برآمد ہوئی، جبکہ ناہیدہ برسٹی تاحال لاپتہ ہیں۔ اپارٹمنٹ سے خون کے شواہد ملنے پر خدشہ ظاہر کیا جا رہا ہے کہ وہ بھی قتل ہو چکی ہیں، جن کی تلاش کے لیے سرچ آپریشن جاری ہے۔
پولیس کے مطابق ملزم کو جمعہ کی صبح گھریلو تشدد کی اطلاع پر گرفتار کیا گیا، جہاں اس نے خود کو گھر میں بند کر لیا تھا۔
مقتول زامل لیمون جغرافیہ، ماحولیاتی سائنس اور پالیسی میں پی ایچ ڈی کر رہے تھے، جبکہ ناہیدہ برسٹی کیمیکل انجینئرنگ کی طالبہ تھیں۔ دونوں کو آخری بار 16 اپریل کو یونیورسٹی کے قریب دیکھا گیا تھا، جس کے بعد ان کی گمشدگی رپورٹ کی گئی۔
