ایران کے پاس وقت بہت کم رہ گیا، ٹرمپ کی سخت نتائج کی دھمکی

امریکی صدر ڈونلڈ ٹرمپ نے ایران کو ایک بار پھر دھمکی دیتے ہوئے کہا کہ اس کے پاس وقت بہت کم رہ گیا ہے۔

امریکا کے صدر ڈونلڈ ٹرمپ نے ایران کو سخت پیغام دیتے ہوئے کہا ہے کہ تہران کے لیے وقت تیزی سے ختم ہو رہا ہے اور اسے فوری اقدامات کرنا ہوں گے۔

صدر ٹرمپ نے اپنے بیان میں کہا، ایران کے لیے گھڑی تیزی سے چل رہی ہے، انہیں فوری طور پر آگے بڑھنا ہوگا، ورنہ ان کے پاس کچھ بھی نہیں بچے گا، وقت انتہائی اہم ہے۔

ٹرمپ کے اس بیان کو مشرقِ وسطیٰ کی موجودہ کشیدہ صورتحال کے تناظر میں اہم قرار دیا جا رہا ہے، جبکہ سیاسی مبصرین کے مطابق امریکی صدر کا یہ سخت لہجہ ایران پر دباؤ بڑھانے کی کوشش ہے۔

ڈونلڈ ٹرمپ نے اپنے ایک بیان میں کہا کہ ایران نے جلد معاہدہ نہ کیا تو اسے بہت بُرے حالات کا سامنا کرنا پڑے گا، ایران کے حق میں یہی بہتر ہے کہ وہ ہم سے معاہدہ کرلے۔