THE PUBLIC POST
زیادہ گوشت کھانے سے عید کے تینوں دن اسپتالوں میں مریضوں کا رش لگا ہونے کا انکشاف ہوا ہے۔ تفصیلات کے مطابق ایمرجنسی انچارج سول اسپتال ڈاکٹرعمران کا کہنا ہے کہ عید کے دوسرے روز 100 سے زائد مریض الٹی، پیٹ درد کی شکایات کے ساتھ سول اسپتال پہنچے جبکہ عید کے تیسرے روز معدے کے امراض میں مبتلا 100 سے زائد مریض آئے۔
رپورٹ کے مطابق دوسری جانب جناح اسپتال میں بھی عید کے پہلے روز پیٹ کے امراض کا شکار 50سے زائد مریض آئے، ایمرجنسی انچارج سول اسپتال عرفان صدیقی کا کہنا ہے کہ زیادہ گوشت، کم پانی، غیر متوازن خوراک سے قے، اسہال اور بدہضمی کی شکایات بڑھ گئی ہیں۔
اسی حوالے سے طبی ماہرین کا کہنا ہے کہ گوشت کے ساتھ سبزیوں اور پانی کا کم استعمال نظام ہاضمہ پر بوجھ ڈال سکتا ہے، گوشت کے ساتھ سلاد، سبزیاں اور پانی کا زیادہ استعمال معدے کے مسائل سے بچا سکتا ہے۔
