پیٹرول کے بعد جیٹ فیول،مٹی کا تیل اور لائٹ ڈیزل بھی سستا

اسلام آباد: حکومت نے پیٹرولیم مصنوعات کی قیمتوں میں کمی کرتے ہوئے طیاروں میں استعمال ہونے والے جیٹ فیول، مٹی کے تیل اور لائٹ ڈیزل آئل کے نرخ بھی گھٹا دیے ہیں۔
نئی قیمتوں کا اطلاق 21 نومبر سے کردیا گیا ہے۔

پاکستان اسٹیٹ آئل (پی ایس او) کے مطابق جیٹ فیول کی فی لیٹر قیمت میں 12 روپے 6 پیسے کمی کی گئی ہے، جس کے بعد اس کی نئی قیمت 287 روپے 71 پیسے مقرر ہوگئی ہے۔

قیمتوں میں ردوبدل سے قبل طیاروں کے ایندھن کی فی لیٹر قیمت 299 روپے 77 پیسے تھی، تاہم حکومتی فیصلے کے بعد صارفین کو اب یہ ایندھن کم نرخوں پر دستیاب ہوگا۔

پی ایس او کی جانب سے جاری تفصیلات کے مطابق مٹی کے تیل کی قیمت بھی 10 روپے 42 پیسے فی لیٹر کم کردی گئی ہے، جس کے بعد اس کا نیا نرخ 273 روپے 22 پیسے مقرر کیا گیا ہے۔

اسی طرح لائٹ ڈیزل آئل کی قیمت میں بھی 11 روپے 44 پیسے فی لیٹر کمی کی گئی ہے۔ اس فیصلے کے نتیجے میں لائٹ ڈیزل آئل کی نئی قیمت 220 روپے 28 پیسے فی لیٹر ہوگئی ہے۔

پی ایس او کے مطابق تینوں پیٹرولیم مصنوعات کی قیمتوں میں کمی کا اطلاق ہفتہ 21 نومبر سے نافذ العمل ہے۔ اس طرح جیٹ فیول، مٹی کے تیل اور لائٹ ڈیزل آئل کے صارفین کو نئی قیمتوں کے مطابق ادائیگی کرنا ہوگی۔

Check Also

ایڈجسٹمنٹس کا بوجھ، کراچی سمیت ملک بھر کے صارفین کو بجلی کا بڑا جھٹکا لگنے کا خدشہ

اسلام آباد: کراچی سمیت ملک بھر کے بجلی صارفین کو دسمبر میں اضافی مالی بوجھ …

Leave a Reply

Your email address will not be published. Required fields are marked *