THE PUBLIC POST
اسرائیلی فوج کے ترجمان نے عندیہ دیا ہے کہ اسرائیل ایران کے خلاف اپنی فوجی کارروائیاں آئندہ چند ہفتوں تک جاری رکھنے کی صلاحیت اور تیاری رکھتا ہے۔
غیر ملکی میڈیا رپورٹس کے مطابق اسرائیلی فوج کے ترجمان لیفٹیننٹ کرنل نداو شوشانی کا کہنا ہے کہ فوج کے پاس مطلوبہ اہداف، اسلحہ اور افرادی قوت دستیاب ہے، جس کی بنیاد پر آپریشنز کو وسعت دی جا سکتی ہے۔
تاہم ترجمان نے واضح کیا کہ مزید عسکری اقدامات کا حتمی فیصلہ سیاسی قیادت کی جانب سے کیا جائے گا۔
دوسری جانب اس سے قبل اسرائیلی وزیرِاعظم بنیامین نیتن یاہو نے ایک انٹرویو میں دعویٰ کیا تھا کہ ایران کے ساتھ جاری کشیدگی نصف مرحلے سے آگے بڑھ چکی ہے۔
تجزیہ کاروں کے مطابق خطے میں بڑھتی ہوئی یہ صورتحال مزید کشیدگی کا باعث بن سکتی ہے، جبکہ عالمی سطح پر بھی اس کے اثرات مرتب ہونے کا امکان ظاہر کیا جا رہا ہے۔
