کراچی: نجی بس مالکان نے کرایوں میں اضافہ کردیا

پیٹرول اور ڈیزل کی قیمتوں میں اضافے کے بعد کراچی میں نجی بس مالکان نے کرائے بڑھا دیے۔

نجی بس مالکان نے مسافر بسوں کے کرایوں میں 30 سے 40 روپے اضافہ کردیا ہے تاہم سرکاری بسوں کے کرایوں میں کوئی اضافہ نہیں کیا گیا۔

دریں اثناء پیٹرولیم مصنوعات کی قیمتوں میں اضافے کے بعد کوئٹہ میں بھی پبلک ٹرانسپورٹ کے کرائے بڑھ گئے۔

ٹرانسپورٹرز کے مطابق کوئٹہ سے کراچی اور سندھ کے دیگر شہروں جبکہ پنجاب اور کے پی کے جانے والے روٹس پر کرایوں میں اضافہ کر دیا گیا ہے۔

ٹرانسپورٹرز کا کہنا ہے کہ کرایوں میں 1000سے 2500 روپے تک اضافہ کیا گیا ہے۔