THE PUBLIC POST
غیر قانونی کلینک سے متعلق مقدمے میں سوشل میڈیا شخصیت ڈاکٹر فضیلہ عباسی کو عدالت سے اہم ریلیف حاصل ہوگیا ہے۔
تفصیلات کے مطابق ڈاکٹر فضیلہ عباسی نے عبوری ضمانت کے حصول کے لیے عدالت سے رجوع کیا، جس پر اسپیشل جج سینٹرل ہمایوں دلاور نے کیس کی سماعت کی۔
عدالت نے ملزمہ کی عبوری ضمانت 50 ہزار روپے کے مچلکوں کے عوض 15 اپریل تک منظور کرتے ہوئے انہیں تفتیش میں شامل ہونے کی ہدایت بھی جاری کی۔
یاد رہے کہ ڈاکٹر فضیلہ عباسی اس سے قبل منی لانڈرنگ کے ایک مقدمے میں بھی ضمانت پر ہیں، جبکہ ان کے خلاف ایف آئی اے کے منی لانڈرنگ سیل اور اینٹی کرپشن سرکل میں مزید مقدمات بھی زیرِ سماعت ہیں۔
