THE PUBLIC POST
کراچی کی ایڈیشنل سیشن جج جنوبی کی عدالت میں ایک شہری کی جانب سے غلط ای چالان کے خلاف درخواست کی سماعت ہوئی۔
شہری نے مؤقف اختیار کیا کہ 27 فروری کو صدر میں اسے 10 ہزار روپے کا ای چالان کیا گیا، حالانکہ اس نے گاڑی پارک نہیں کی تھی بلکہ صرف مختصر وقت کے لیے پک اینڈ ڈراپ کیا تھا۔
شہری کے مطابق اسی مقام پر غیر قانونی طور پر موٹر سائیکلیں پارک ہوتی ہیں۔ اس نے ریویو کمیٹی میں بھی شکایت کی جو ابتدا میں مسترد کر دی گئی تھی۔ تاہم سماعت کے دوران ٹریفک پولیس نے عدالت کو آگاہ کیا کہ بعد میں شہری کی شکایت تسلیم کرتے ہوئے چالان منسوخ کر دیا گیا تھا۔
عدالت نے رپورٹ کی بنیاد پر درخواست نمٹا دی اور ٹریفک پولیس کو ای چالان کے نظام میں مزید احتیاط برتنے کی ہدایت جاری کی۔
