THE PUBLIC POST
پاکستان بحریہ نے شمالی بحیرہ عرب میں ایک کامیاب سرچ اینڈ ریسکیو آپریشن مکمل کیا ہے۔
مسلح افواج کے شعبہ تعلقات عامہ (آئی ایس پی آر) کے مطابق ہنگامی سگنل موصول ہونے کے بعد 18 افراد پر مشتمل عملے کو بحفاظت ریسکیو کر لیا گیا۔
رپورٹ کے مطابق ریسکیو کیے گئے افراد مختلف ممالک سے تعلق رکھتے تھے، جن میں چین، بنگلادیش، میانمار، ویتنام اور انڈونیشیا کے شہری شامل تھے۔
آئی ایس پی آر کا کہنا ہے کہ ریسکیو آپریشن کے دوران پاک بحریہ کے جہاز پی این ایس حنین نے اعلیٰ پیشہ ورانہ مہارت کا مظاہرہ کیا۔
مزید بتایا گیا کہ جہاز پر موجود ماہر ٹیم نے متاثرہ افراد کو فوری طبی امداد فراہم کی اور آگ بجھانے کے عمل میں بھی مدد کی۔
