THE PUBLIC POST
ضلع مظفر گڑھ میں 55 سالہ غلام قادر نے نویں جماعت کے امتحانات میں شرکت کر کے یہ ثابت کیا کہ تعلیم کے حصول کے لیے عمر کی کوئی حد مقرر نہیں۔
میڈیا سے گفتگو میں غلام قادر کا کہنا تھا کہ ان کے بچوں کی حوصلہ افزائی نے انہیں اپنی ادھوری تعلیم مکمل کرنے پر آمادہ کیا۔
انہوں نے ماضی میں ناکامیوں کے باوجود اعلیٰ تعلیم حاصل کرنے کے عزم کا اعادہ کیا اور بتایا کہ وہ دو مرتبہ میٹرک میں ناکام ہو چکے ہیں، تاہم ہمت نہیں ہاری۔
غلام قادر کے مطابق وہ 13 سال کے وقفے کے بعد دوبارہ امتحان دے رہے ہیں اور اس بار مکمل تیاری کے ساتھ کامیابی کے لیے پُرعزم ہیں، جس کے بعد وہ انٹرمیڈیٹ بھی کریں گے۔
۔
