THE PUBLIC POST
معروف ماہر امراضِ قلب ڈاکٹر حسنات کو جناح کارڈیک انسٹیٹیوٹ کی سربراہی سونپنے کی تیاریاں جاری ہیں۔
ذرائع کے مطابق ڈاکٹر حسنات کو برطانیہ اور آسٹریلیا کے نمایاں طبی اداروں میں خدمات انجام دینے کا وسیع تجربہ حاصل ہے۔
اطلاعات کے مطابق انہوں نے ذمہ داریاں سنبھالنے کے لیے دو ماہ کی مہلت طلب کی ہے اور اس دوران وہ جناح کارڈیک انسٹیٹیوٹ کا دورہ بھی کر چکے ہیں۔
ذرائع کا کہنا ہے کہ ڈاکٹر حسنات کو عالمی شہرت شہزادی ڈیانا کے ساتھ تعلق کی وجہ سے بھی حاصل ہوئی، جنہوں نے 1996 میں لاہور کے دورے کے موقع پر ان کی والدہ سے ملاقات کی تھی۔
مزید برآں، ذرائع کے مطابق ڈاکٹر حسنات کے ماموں ڈاکٹر جواد ساجد خان بھی ممتاز ہارٹ سرجن ہیں۔
