THE PUBLIC POST
لاہور کے علاقے اچھرہ میں گھر سے تین بچوں کی گلا کٹی لاش برآمد ہوئیں، پولیس نے متضاد بیان پر والدین اور چچا کو حراست میں لے لیا۔
پولیس کے مطابق 15 پر اطلاع ملی کہ دو بچیوں اور بچے کی لاشیں ملی ہیں، بچوں کو گلا کاٹ کر قتل کیا گیا۔
ریسکیو 1122 کے مطابق تین بچوں کے گلا کاٹنے کی کال موصول ہوئی جس پر اہلکار و ایمرجنسی گاڑیاں جائے حادثے پر پہنچیں۔
بچوں کے والد رمضان نے پولیس کو بیان دیا کہ گھر کو تالا لگا کر باہر گیا، جب واپس آیا تو بچوں کی لاشیں موجود تھیں۔
دوسری جانب وزیراعلی پنجاب مریم نواز نے بچوں کے قتل پر دکھ اور افسوس کا اظہار کرتے ہوئے رپورٹ طلب کر لی۔
مریم نواز نے کہا کہ معصوم بچوں کے قتل کے ذمہ دار قانونی کارروائی اور کڑی سزا سے نہیں بچ سکیں گے۔
