THE PUBLIC POST
امریکی افواج نے بحرِ ہند میں ایک بحری جہاز کو تحویل میں لے لیا اور اس کارروائی کی ویڈیو بھی جاری کر دی ہے۔
امریکی فوج کے مطابق مذکورہ جہاز “Majestic X” ایرانی تیل کی منتقلی میں ملوث تھا، جس کی تلاشی انڈو پیسفک کمان نے بحرِ ہند میں کارروائی کے دوران لی۔
امریکی محکمۂ دفاع نے اپنے بیان میں کہا ہے کہ ایران کی معاونت کرنے والے بحری جہازوں کے خلاف کارروائیاں جاری رکھی جائیں گی، خواہ وہ دنیا کے کسی بھی حصے سے سرگرم ہوں۔
بیان میں مزید کہا گیا کہ سمندری حدود میں غیر قانونی سرگرمیوں اور ایسے جہازوں کی نقل و حرکت کی روک تھام کے لیے اقدامات جاری رہیں گے، اور بین الاقوامی پانیوں کو پابندیوں سے بچنے کے لیے استعمال نہیں ہونے دیا جائے گا۔
