سرگودھا: موٹروے پولیس سب انسپکٹر نے خود کو گولی مار کر زخمی کرلیا

سرگودھا میں موٹروے پولیس کے ایک سب انسپکٹر نے مبینہ طور پر خود پر فائرنگ کر کے خود کو زخمی کر لیا۔

ریسکیو ذرائع کے مطابق زخمی اہلکار کو فوری طور پر ڈی ایچ کیو ٹیچنگ اسپتال منتقل کیا گیا، جہاں اس کی حالت تشویشناک بتائی جا رہی ہے۔

ابتدائی تحقیقات کے مطابق واقعہ گھریلو تنازع، خاص طور پر اہلیہ سے جھگڑے کے نتیجے میں پیش آیا، تاہم حکام نے مزید تحقیقات کا آغاز کر دیا ہے۔