THE PUBLIC POST
نیو کراچی میں مسلح ڈاکوؤں کی فائرنگ سے افسوسناک واقعہ پیش آیا جس کے دوران قربانی کے 4 جانور زخمی ہوگئے جبکہ ایک جانور کی حالت تشویشناک ہونے پر اسے ذبح کردیا گیا۔
تفصیلات کے مطابق علاقے میں مسلح ملزمان نے ڈکیتی کی واردات کے دوران شہریوں سے لوٹ مار کی۔ واقعے کے بعد فرار ہوتے ہوئے دو شہریوں کی جانب سے ڈاکوؤں پر فائرنگ کی گئی، جس پر ملزمان نے بھی جوابی فائرنگ شروع کردی۔
فائرنگ کے تبادلے کے دوران گلی میں موجود قربانی کے جانور زد میں آگئے، جس کے نتیجے میں 4 جانور زخمی ہوگئے۔ بعد ازاں ایک جانور کی حالت بگڑنے پر اسے فوری طور پر ذبح کرنا پڑا۔
واقعے کے بعد علاقے میں خوف و ہراس پھیل گیا جبکہ پولیس نے مزید تفتیش شروع کردی ہے۔
