THE PUBLIC POST
کراچی کے علاقے لانڈھی جوگی موڑ کے قریب ایک افسوسناک ٹریفک حادثے میں موٹر سائیکل سوار خاتون کوچ کی ٹکر سے جاں بحق ہوگئی۔
پولیس کے مطابق حادثے میں جاں بحق ہونے والی خاتون کی لاش جناح اسپتال منتقل کر دی گئی ہے، جہاں بائیومیٹرک کے ذریعے اس کی شناخت حرا کے نام سے ہوئی، جس کا تعلق حیدرآباد سے بتایا جا رہا ہے۔
پولیس حکام کے مطابق ابتدائی معلومات سے معلوم ہوتا ہے کہ خاتون ممکنہ طور پر موٹر سائیکل سلپ ہونے کے بعد پیچھے سے آنے والی کوچ کے نیچے آ گئی۔
پولیس کا کہنا ہے کہ خاتون کے اہل خانہ سے رابطہ کیا گیا ہے تاہم انہوں نے لاش وصول کرنے سے انکار کر دیا ہے۔ اہل خانہ کے مطابق خاتون نے پسند کی شادی کی تھی جس کے باعث انہوں نے اس سے تعلق ختم کر لیا تھا۔
دوسری جانب خاتون کے شوہر کا کہنا ہے کہ انہیں اس واقعے سے متعلق تاحال مکمل معلومات حاصل نہیں ہو سکیں اور صورتحال واضح نہیں ہے۔
