THE PUBLIC POST
چین میں کوئلے کی کان میں گیس دھماکہ سے ہلاکتیں 90 تک پہنچ گئیں۔
چین کے شمالی صوبے میں کوئلے کی کان میں ہونے والے گیس دھماکے میں ہلاک افراد کی تعداد 90 ہو گئی ہے۔ خبر رساں ادارے رائٹرز کے مطابق حادثہ گزشتہ رات پیش آیا جب کان میں 247 مزدور زیرِ زمین کام کر رہے تھے۔
رپورٹس کے مطابق دھماکے کے بعد امدادی کارروائیاں فوری طور پر شروع کر دی گئیں جبکہ متعدد مزدوروں کو نکالنے کی کوششیں جاری ہیں۔
شی جن پنگ نے حکام کو ریسکیو آپریشن جلد مکمل کرنے کی ہدایت کرتے ہوئے زخمیوں کو فوری طبی سہولیات فراہم کرنے پر زور دیا ہے۔ چینی صدر نے واقعے کے ذمہ داروں کے تعین اور ان کے خلاف کارروائی کی بھی ہدایت کی ہے۔
