THE PUBLIC POST
ڈیزل اور پیٹرول کی قیمتوں میں مزید کمی کی امید، ٹرانسپورٹرز کو ریلیف ملنے کا مؤقف
آل پاکستان گڈز ٹرانسپورٹ الائنس کے سربراہ ملک شہزاد اعوان نے وفاقی حکومت کی جانب سے ڈیزل اور پیٹرول کی قیمتوں میں کمی کے اعلان کا خیر مقدم کرتے ہوئے گڈز ٹرانسپورٹ کے کرایوں میں 6 فیصد کمی کا اعلان کردیا۔
ملک شہزاد اعوان کا کہنا ہے کہ پیٹرولیم مصنوعات کی قیمتوں میں کمی سے نہ صرف ٹرانسپورٹرز بلکہ ہر پاکستانی کو ریلیف ملتا ہے۔ انہوں نے امید ظاہر کی کہ حکومت مستقبل میں بھی پیٹرول اور ڈیزل کی قیمتوں میں مزید کمی کرے گی۔
انہوں نے کہا کہ پیٹرولیم مصنوعات کی قیمتوں میں مسلسل اضافے کے باعث ٹرانسپورٹ کا شعبہ شدید متاثر ہوا اور کاروباری اخراجات میں نمایاں اضافہ دیکھنے میں آیا۔
سربراہ گڈز ٹرانسپورٹ الائنس کے مطابق حکومت کے حالیہ فیصلے کے بعد ٹرانسپورٹرز نے عوام کو ریلیف دینے کے لیے مال برداری کے کرایوں میں 6 فیصد کمی کرنے کا فیصلہ کیا ہے۔
