کراچی، ڈکیتی مزاحمت پر شہری زخمی،ڈاکو لوٹ مار کے بعد فرار

کراچی:شہر قائد میں بلدیہ ٹاؤن کے علاقے رئیس گوٹھ میں نجی بینک کے قریب ڈکیتی کے دوران ڈاکوؤں کی فائرنگ سے 40 سالہ شہری مجید زخمی ہوگیا۔

ترجمان کراچی پولیس کے مطابق ملزمان واردات کے دوران شہری سے موبائل فون، نقدی اور دیگر قیمتی سامان چھین کر فرار ہوگئے۔ اس دوران فائرنگ کے نتیجے میں مجید زخمی ہوگیا۔

واقعے کی اطلاع ملتے ہی پولیس اور امدادی ٹیمیں موقع پر پہنچ گئیں اور زخمی کو فوری طور پر علاج کے لیے سول اسپتال منتقل کردیا گیا۔