THE PUBLIC POST
دنیا کی بلند ترین چوٹی ماؤنٹ ایورسٹ سے 6 دن بعد زندہ ملنے والےنیپالی شیرپا گائیڈ کا بیان سامنے آ گیا۔
اس حوالے سے شیرپا داوا کا کہنا ہے کہ برف پوش پہاڑ پر 6 دن برف چبا کر اور جیبوں میں پڑی چاکلیٹس کھا کر گزارا کیا۔
انہوں نے بتایا کہ لاپتہ نہیں ہوا تھا بلکہ آکسیجن سلنڈر خالی ہونے پر پیچھے رکنے پر مجبور ہو گیا تھا۔
داوا کا اس وقت کٹھمنڈو کے اسپتال میں ڈی ہائیڈریشن، فروسٹ بائیٹ اور ایک ٹوٹی ہڈی کا علاج جاری ہے۔
واضح رہے کہ ماؤنٹ ایوریسٹ پر لاپتہ ہونے والا نیپالی شیرپا گائیڈ 1 ہفتے بعد زندہ حالت میں مل گیا، جسے سخت ترین موسمی حالات میں خوراک اور اضافی آکسیجن کے بغیر زندہ رہنے پر معجزہ قرار دیا جا رہا ہے۔
52 سالہ داوا شیرپا ایورسٹ سر کرنے کی کوشش کے بعد ایک پولش کوہ پیما کے ساتھ واپسی کے سفر پر تھا، جب وہ کیمپ تھری اور کیمپ فور کے درمیان لاپتہ ہو گیا، دونوں اپنی منزل، یعنی چوٹی تک پہنچنے میں ناکام رہے تھے۔
داوا نامی اس شیرپا کے اہلِ خانہ نے اسے مردہ سمجھ کر اس کی آخری رسومات کی تیاریاں شروع کر دی تھیں۔
