کراچی ایئرپورٹ پرلاہور سے آنے والا مسافر انتقال کر گیا

کراچی کے جناح انٹرنیشنل ایئرپورٹ پر لاہور سے آنے والا مسافر انتقال کر گیا۔

تفصیلات کے مطابق مسافر پارکنگ ایریا میں اچانک گر کر بے ہوش ہوگیا تھا، شہری کی اطلاع پر حکام اور ایمبولینس فوری موقع پر پہنچی تھی۔

سی اے اے ڈاکٹر نے معائنے کے بعد مسافر کے انتقال کی تصدیق کر دی جس کی شناخت محمد ارشد کے نام سے ہوئی۔

متوفی لاہور سے پی آئی اے کی پرواز پی کے 304 سے کراچی پہنچا تھا۔ متوفی پاکستان انٹرنیشنل ایئرلائن کا سابق ملازم تھا جس کے پاس سے شناختی کارڈ، پاسپورٹ اور ٹکٹ برآمد ہوا۔

ایئرپورٹ حکام کے مطابق قانونی کارروائی کے لیے میت پی آئی اے میڈیکل سینٹر منتقل کر دی گئی، واقعے کی مزید قانونی و انتظامی کارروائی جاری ہے۔

Check Also

آئین میں صوبوں کی تشکیل کے لیے ریفرنڈم کی کوئی گنجائش نہیں، سابق اٹارنی جنرل آف پاکستان

اسلام آباد: سابق اٹارنی جنرل آف پاکستان اشتر اوصاف کا کہنا ہے کہ آئین میں …

Leave a Reply

Your email address will not be published. Required fields are marked *