THE PUBLIC POST
پنجاب کے شہر کوٹ رادھا کشن کے نواحی علاقے بھوتن پورہ میں ایک فیکٹری مزدور مبینہ طور پر گھر میں پھندا لگا کر جان سے ہاتھ دھو بیٹھا۔
اہلِ خانہ کے مطابق متوفی جون کا 42 ہزار روپے کا بجلی کا بل موصول ہونے کے بعد شدید ذہنی دباؤ کا شکار تھا۔ ان کا کہنا ہے کہ بڑھتے ہوئے مالی بوجھ اور اخراجات نے اسے شدید پریشانی میں مبتلا کر رکھا تھا۔
اطلاع ملنے پر پولیس موقع پر پہنچی اور لاش کو تحویل میں لے کر قانونی کارروائی کے لیے اسپتال منتقل کر دیا۔
پولیس کا کہنا ہے کہ واقعے کی مختلف پہلوؤں سے تحقیقات کی جا رہی ہیں، جبکہ موت کی اصل وجہ کا تعین تفتیش مکمل ہونے اور شواہد سامنے آنے کے بعد کیا جائے گا۔ اہلکاروں کے مطابق فی الحال کسی بھی حتمی نتیجے پر پہنچنا قبل از وقت ہوگا۔
