پہلا سیمی فائنل؛ آسٹریلیا کی بھارت کیخلاف بیٹنگ جاری

آئی سی سی چیمپئنز ٹرافی کے پہلے سیمی فائنل میں آسٹریلیا کی بھارت کیخلاف بیٹنگ جاری ہے۔

آسٹریلیا نے 15 اوورز میں 2 وکٹوں کے نقصان پر 76 رنز بنالیے ہیں۔

آسٹریلیا کی پہلی وکٹ صرف 4 رنز کے مجموعی اسکور پر گری جب اوپننگ بلے باز کوپر کونولی بغیر کوئی رن بنائے پویلین لوٹ گئے۔

کینگروز کو دوسرا نقصان 54 رنز کے مجموعی اسکور پر اٹھانا پڑا جب جارح مزاج بلے باز ٹریوس ہیڈ 39 رنز بناکر آؤٹ ہوگئے۔

بھارت کی جانب سے محمد شامی اور ورون چکرورتھی نے ایک، ایک وکٹ حاصل کی۔

دبئی میں کھیلے جارہے میچ میں آسٹریلیا کے کپتان اسٹیو اسمتھ نے ٹاس جیت کر پہلے بیٹنگ کا فیصلہ کیا تھا، انہوں نے کہا کہ کوشش ہوگی بڑا ہدف دیکر بھارتی ٹیم کو پریشر میں لائیں اور وکٹیں لیں۔

اس موقع پر بھارتی ٹیم کے کپتان روہت شرما نے کہا کہ اسپنرز کیساتھ اٹیک کریں گے تاکہ کینگروز کو پریشر میں لائیں۔

بھارت کا اسکواڈ:

روہت شرما (کپتان)، شبمن گل، ویرات کوہلی، شریاس ایر، اکشر پٹیل، کے ایل راہول، ہاردک پانڈیا، رویندرا جڈیجا، محمد شامی، کلدیپ یادیو اور ورون چکراورتھی

آسٹریلیا کا اسکواڈ:

اسٹیو اسمتھ (کپتان)، کوپر کونولی، ٹریوس ہیڈ، مارنس لیبوشگن، جوش انگلس، ایلکس کیری، گلین میکسویل، بین ڈوارشوئس، نیتھن ایلس، ایڈم زمپا اور تنویر سنگھا