THE PUBLIC POST
کراچی میں مون سون کے دوران ساحلوں کا رخ کرنے والے شہریوں کے لیے ایک بار پھر احتیاطی انتباہ جاری کر دیا گیا ہے۔ ماہرینِ بحریات کے مطابق بلیو بوٹلز ہر سال جون اور جولائی کے دوران کراچی کے ساحلوں پر پہنچتی ہیں۔
اگرچہ یہ جیلی فش جیسی دکھائی دیتی ہیں، لیکن حقیقت میں یہ مختلف نوعیت کی سمندری مخلوق ہیں، جن کے ڈنک انتہائی تکلیف دہ ہوتے ہیں اور جلد پر شدید جلن، سوجن اور درد کا باعث بن سکتے ہیں۔
حالیہ دنوں ایک شہری کی جانب سے سوشل میڈیا پر شیئر کی گئی ویڈیو میں بتایا گیا کہ ساحل پر اہلِ خانہ کے ساتھ نہاتے ہوئے متعدد افراد بلیو بوٹلز کے ڈنک کا شکار ہو گئے، جس کے بعد ماہرین نے شہریوں کو مشورہ دیا ہے کہ سمندر میں داخل ہونے سے قبل اردگرد کا جائزہ لیں، مشکوک سمندری مخلوق سے دور رہیں اور بچوں پر خصوصی نظر رکھیں۔
