THE PUBLIC POST
کراچی گڈز کیریئر ایسوسی ایشن کے صدر *رانا محمد اسلم اور ان کی پوری کابینہ * کی جانب سے وزیراعظم پاکستان اور وفاقی وزیرِ پٹرولیم کا ڈیزل اور پٹرول کی قیمتوں میں کمی کے فیصلے پر دلی شکریہ اور اظہارِ تشکر کیا جاتا ہے۔
ایندھن کی قیمتوں میں کمی کا فیصلہ ملک بھر کی ٹرانسپورٹ برادری کے لیے باعثِ مسرت اور ایک خوش آئند اقدام ہے۔ ڈیزل کی قیمت میں کمی براہِ راست گڈز ٹرانسپورٹ کے اخراجات میں ریلیف کا سبب بنتی ہے، کیونکہ ملکی معیشت، صنعت، تجارت اور اشیائے ضروریہ کی ترسیل کا ایک بڑا انحصار ٹرانسپورٹ کے شعبے پر ہے۔
ہم سمجھتے ہیں کہ ٹرانسپورٹ برادری کو درپیش معاشی مشکلات اور بڑھتے ہوئے آپریشنل اخراجات کے تناظر میں ایندھن کی قیمتوں میں کمی ایک مثبت پیش رفت ہے، جس کے اثرات نہ صرف ٹرانسپورٹرز بلکہ بالواسطہ طور پر عام شہریوں، تاجروں اور کاروباری طبقے تک بھی پہنچ سکتے ہیں۔
کراچی گڈز کیریئر ایسوسی ایشن امید کرتی ہے کہ حکومت آئندہ بھی ٹرانسپورٹ برادری کے مسائل کو ترجیحی بنیادوں پر حل کرنے، ٹول ٹیکس، ٹیکسوں اور دیگر کاروباری اخراجات میں مناسب ریلیف دینے کے لیے عملی اقدامات جاری رکھے گی۔
ہم ایک مرتبہ پھر وزیراعظم پاکستان، وفاقی وزیرِ پٹرولیم اور متعلقہ حکومتی ذمہ داران کا شکریہ ادا کرتے ہیں اور اس امید کا اظہار کرتے ہیں کہ حکومت اور ٹرانسپورٹ برادری کے درمیان باہمی تعاون کا یہ سلسلہ مزید مضبوط ہوگا۔
کراچی گڈز کیریئر ایسوسی ایشن کے صدر رانا محمد اسلم نے کہا ہے کہ جس طرح ڈیزل پیٹرول میں کمی ہوگی ہم اسی طرح اپنے کرایوں میں بھی کمی کرتے رہے گے ۔
