THE PUBLIC POST
پاکستان شوبز کے اداکار اسود ہارون نے ساتھی اداکارہ نازش جہانگیر کے خلاف کیس سے متعلق تفصیلات شیئر کر دیں ہیں۔
نازش جہانگیر اور اسود ہارون کا کیس ان دنوں سوشل میڈیا سمیت ٹی وی چینلز پر بھی سرخیوں میں ہے۔ جس میں بتایا جارہا ہے کہ اسود ہارون نے اداکارہ نازش جہانگیر پر پیسوں سے متعلق فراڈ کا الزام عائد کیا ہے۔
دوسری جانب نازش جہانگیر نے بھی اسود ہارون کے خلاف قانونی کارروائی کی ہے اور الزامات کی تردید بھی کی ہے۔
ایک حالیہ انٹرویو میں اسود ہارون نے عدالتی کارروائی اور کیس کی تفصیلات شیئر کی ہیں۔کیس کے بارے میں بات کرتے ہوئے انہوں نے کہا، ’نازش کے خلاف دھوکہ دہی، بدکلامی اور دھمکیاں دینے پر وارنٹ گرفتاری جاری کیے گئے، وہ اپنے وکیل کے ساتھ عدالت میں پیش ہوئی مجھے دھمکیاں دیں اور غنڈوں کی طرح جارحانہ انداز بدمعاشی کی۔ جس پر ہم نے آج عدالت کے باہر اسے برا بھلا کہا کیونکہ اس نے میری والدہ کے ساتھ ایسی زبان استعمال کی‘۔
اداکار نے بتایا کہ ہم نے اپنی پہلی ٹیلی فلم میں ایک ساتھ کام کیا تھا جس کے بعد ہماری دوستی ہوگئی اور ٹرسٹ قائم ہوگیا، میں نے نازش کی مشکل وقت میں مدد کی اسے 2.5 ملین روپے بطور امانت ایک پراجیکٹ کیلئے دیئے جس کو وہ کھا گئی۔
اسود ہارون نے مزید بتایا کہ اس نے ان سے ایک گاڑی بھی لی ہوئی تھی جو واپس نہیں کی اور اس نے مجھے بہت دھوکہ دیا ہے میں نے 6 ماہ پیار سے معاملہ حل کرنے کی کوشش کی مگر اس نے مجھے بلیک میل کروایا مجھ پر حملہ کیا اب ہم قانونی کارروائی کریں گے۔
