حکومت کی کارکردگی نے آئی ایم ایف کو حیران کردیا، وزیراعظم

کراچی(پبلک پوسٹ)وزیراعظم پاکستان شہباز شریف نے کہا ہے کہ حکومت کی کارکردگی نے آئی ایم ایف کو حیران کردیا ہے، مخالفین نے ڈھنڈورے پیٹے کہ منی بجٹ آرہا ہے، حالیہ ادوار میں پہلی بار چیلنجنگ حالات میں منی بجٹ نہیں آرہا۔یہ بات انہوں نے کابینہ اجلاس سے خطاب کرتے ہوئے کہی۔

انہوں ںے کہا کہ وزیراعظم نے وزیر خزانہ، سیکریٹری فنانس، نائب وزیراعظم، وزیر منصوبہ بندی اور دیگر کو مبارک باد دی اور کہا کہ اسٹاف لیول معاہدہ ہونے سب مبارک باد کے مستحق ہیں، ٹیم ورک کے ساتھ یہ کامیابی حاصل کی گئی، مخالفین نے ڈھنڈورے پیٹے کہ منی بجٹ آرہا ہے، حالیہ ادوار میں پہلی بار چیلنجنگ حالات میں منی بجٹ نہیں آرہا۔انہوں نے کہا کہ عام آدمی نے بہت تکلیف اٹھائیں، ان کی قربانیوں کو سلام پیش کرتا ہوں، صوبوں نے زرعی ٹیکس کے معاملے پر اپنا حصہ ڈالا۔

انہوں نے کہا کہ آئی ایم ایف نے پچھلے سال 9 کھرب روپے کا ہدف دیا، اس سال 12.9 کھرب روپے کا ہدف مقرر کیا گیا ہے، معیشت کے استحکام کے لیے یہ بڑی کامیابی ہے، ٹیکس کلیکشن میں 26 فیصد اضافہ ہوا ہے، میں نے آئی ایم ایف کی ٹیکس وصولی کے ہدف میں کمی کی آفر کو مسترد کردیا، ہم اگر ٹیکس وصولی کے ہدف میں کمی کی پیشکش مان لیتے تو گڑھے میں گرجاتے۔دریں اثنا وزیراعظم نے آرمی چیف کی والدہ کے انتقال پر اظہار تعزیت کیا۔