پولیس اہلکار ایئرپورٹ کے راستوں پر مسافروں کو لوٹنے لگے، نقدی، موبائل کے علاوہ حلوہ بھی نہ چھوڑا

نیو اسلام آباد انٹرنیشنل ایئرپورٹ کے راستوں پر راولپنڈی پولیس اہلکار ائیرپورٹ جانے والے مسافروں کو لوٹنے لگے، پولیس عملے نے مسافروں چھوڑنے کے آنے والوں سے موبائل فون اور نقدی چھین لی۔

رپورٹ کے مطابق تھانہ دھمیال پولیس سے رجوع کرتے ہوئے ابیٹ آباد سے تعلق رکھنے والے شہری زبیع اللّٰہ نے موقف اختیار کیا کہ ڈرائیور یعقوب مہمانوں کو دبئی جانے کے خاطر چھوڑنے ائیرپورٹ جارہے تھے کہ ٹھلیاں کے مقام پر پولیس کے اے ایس آئی عاطف، کانسٹیںل زبیر وغیرہ نے روکا۔

ڈرائیور یعقوب اور مہمانوں کی تلاشی لیکر پولیس نے قیمتی موبائل فون اور دو پیکٹ ملتانی حلوے کے لے لیے، پھر سب کو ہتھکڑیاں لگا کر جنگل میں لے گیے اور رہائی کے لیے 2 لاکھ روپے طلب کیے اوردھمکیاں دیں۔

ڈرائیور یعقوب نے بیس ہزار روپے نقد دییے جب کہ پچاس ہزار روپے ایئرپورٹ کے اے ٹی ایم سے نکال کر اے ایس آئی عاطف کو دیے۔

ائیرپورٹ پر عاطف اے ایس آئی رقم نکوانے کے دوران مہمان کے ساتھ اے ٹی ایم کے اندر بھی گیا، پولیس عملے نے ڈرائیور یعقوب کو ایک کمرے میں محبوس رکھا جہاں زبیر کانسٹیبل اس پر پہرہ دیتا رہا۔

پولیس عملے نے اس دوران بھی ایک موبایل فون کے لیا اور مہمانوں کو چھوڑ دیا جو دبئی روانہ ہوگئے۔

2 مئی کو ان کی تصویر لینے آیا تو اہلکاروں نے جھگڑا کرکے کپڑے پھاڑ دیے، بھاگ کر جان بچائی لیکن ڈرائیورز کو وہیں رکھا گیا۔

میں نے ون فائیو پر کال کی تو پولیس آگئی پولیس کے آنے پر پولیس نے مذکورہ پولیس اہلکاروں سے میرے نمبر پر 16 ہزار روپے ایزی پیسہ کے زریعے بیجھوائے۔

پولیس کی ان جیسی کالی بھیڑوں کی وجہ سے محکمہ پولیس بدنام ہورہا ہے، کارروائی کی جائے۔

پولیس نے تھانہ دھمیال کے اے ایس آئی عاطف ،کانسٹیبل زبیر سمیت دیگر اہلکاروں کے خلاف سرقہ بلجںر کی دفعہ 382، حبس بیجا میں رکھنے کی دفعہ 342 ت پ اور پولیس آرڈر کے تحت درج کرلیا۔

پولیس حکام کا کہنا تھا کہ اے ایس آئی عاطف اور کانسٹیبل زبیر کو گرفتار کرلیا گیا ہے، تیسرے ملزم کہ تلاش جاری ہے۔