THE PUBLIC POST
شمالی برطانیہ میں قدیم ترین انسانی باقیات دریافت ہوئی ہیں جن کے بارے میں سائنس دانوں کا کہنا ہے کہ یہ تقریباً 11 ہزار سال پرانی ایک کم عمر بچی کی ہیں، جو تقریباً 3 سال کی عمر میں وفات پا گئی تھی۔
یہ اہم دریافت شمال مغربی انگلینڈ کے قریب واقع ایک گاؤں ارسوک کی ایک غار سے ہوئی ہے۔
محققین کے مطابق ریڈیو کاربن ڈیٹنگ کے ذریعے ان باقیات کی عمر کا تعین کیا گیا، جو آثارِ قدیمہ میں انسانی تاریخ جاننے کا ایک معتبر سائنسی طریقہ سمجھا جاتا ہے۔
ڈاکٹر ریک پیٹرسن جو لنکا شائر یونیورسٹی سے وابستہ ہیں، نے بتایا کہ یہ باقیات ایک کم عمر بچی کی ہیں جس کی عمر تقریباً ڈھائی سے 3 سال کے درمیان تھی۔
ماہرین اس بات پر تحقیق کر رہے ہیں کہ اس کم عمر بچی کو غار میں کیوں دفن کیا گیا یا وہاں کیوں رکھا گیا، کیونکہ اس نوعیت کی قدیم تدفین انسانی تاریخ اور قدیم معاشرتی رویوں کے بارے میں اہم سوالات کو جنم دیتی ہے۔
