THE PUBLIC POST
باجوڑ کے سرحدی علاقے میں مبینہ طور پر افغان طالبان کی جانب سے کی گئی گولہ باری کے نتیجے میں 2 بچوں سمیت 3 شہری جاں بحق ہوگئے۔
سیکیورٹی ذرائع کے مطابق اس واقعے میں 3 افراد زخمی بھی ہوئے ہیں، جنہیں طبی امداد کے لیے قریبی مراکز منتقل کر دیا گیا ہے۔
ذرائع کا کہنا ہے کہ یہ گولہ باری بلااشتعال تھی اور اس کا ہدف شہری آبادی تھی۔ واقعہ باجوڑ کے سرحدی علاقے کٹ کوٹ کے گاؤں ملک شاہین میں پیش آیا۔
سیکیورٹی حکام کے مطابق اس حملے کو بھارتی حمایت یافتہ عناصر کی کارروائی قرار دیا جا رہا ہے، جبکہ صورتحال پر متعلقہ ادارے نظر رکھے ہوئے ہیں۔
