THE PUBLIC POST
ممبئی ہائی کورٹ نے 90 سالہ خاتون کے ہتکِ عزت کے مقدمے پر اہم ریمارکس دیتے ہوئے اسے فریقین کے درمیان “انا کی جنگ” قرار دے دیا۔
بھارتی میڈیا کے مطابق یہ کیس ممبئی میں سوسائٹی اجلاس کے دوران پیش آنے والے 2015ء کے واقعے سے متعلق ہے، جس پر درخواست 2017ء میں دائر کی گئی۔ خاتون نے ذہنی اذیت کا مؤقف اختیار کرتے ہوئے 20 کروڑ روپے ہرجانے کا مطالبہ کیا تھا۔
عدالت نے حالیہ سماعت میں کہا کہ اس نوعیت کے مقدمات عدالتی نظام پر غیر ضروری دباؤ ڈالتے ہیں اور اہم کیسز کی راہ میں رکاوٹ بنتے ہیں۔ جج نے واضح کیا کہ صرف عمر کی بنیاد پر مقدمے کو ترجیح نہیں دی جا سکتی۔
عدالت کے مطابق فریقین کو پہلے صلح کی تجویز دی گئی تھی، تاہم درخواست گزار اپنے مؤقف پر قائم رہیں۔ طویل التواء کے باعث عدالت نے حکم دیا کہ اب اس کیس کی سماعت 2046ء کے بعد ہی ممکن ہوگی۔
