THE PUBLIC POST
کراچی کے علاقے شیرپاؤ کالونی میں رینجرز نے خفیہ اطلاع پر کارروائی کر کے ڈکیتی اور اسٹریٹ کرائم میں ملوث ملزم کو گرفتار کرلیا۔
ترجمان رینجرز کے مطابق ڈکیتی اور اسٹریٹ کرائم میں ملوث ملزم ارسلان شاہ کو گرفتار کیا گیا ہے جس کے قبضے سے موبائل فون اور بغیر کاغذات والی موٹرسائیکل برآمد ہوئی ہے۔
ملزم کے ساتھی کے گھر سے 30 بور پستول اور ایمونیشن بھی ملا ہے۔
ترجمان رینجرز کے مطابق ملزم شیرپاؤ کالونی، ملیر، قیوم آباد اور کورنگی کے علاقوں میں وارداتوں میں ملوث ہے۔
