شاداب خان کو امپائر کے فیصلے پر ناراضگی کا اظہار مہنگا پڑگیا

پاکستانی آل راؤنڈر شاداب خان کو ابوظہبی ٹی 10 لیگ میں امپائر کے فیصلے پر ناراضی کا اظہار کرنے پر میچ فیس کا 5 فیصد جرمانہ عائد کردیا گیا ہے۔

یہ واقعہ جمعہ کو شیخ زاید کرکٹ اسٹیڈیم میں یو اے ای بلز اور عربین ایسز کے درمیان کھیلے گئے ایونٹ کے 15ویں میچ میں پیش آیا جہاں شاداب امپائر کے ایک فیصلے سے ناخوش دکھائی دیے۔

شاداب کا خیال تھا کہ باؤنسر کو وائیڈ قرار دیا جانا چاہیے تھا تاہم امپائر نے ایسا نہیں کیا۔

فیصلے پر برہمی کا اظہار کرتے ہوئے پاکستانی کھلاڑی نے اپنا بیٹ زمین پر دے مارا جسے امپائر کے فیصلے سے اختلاف اور ضابطہ اخلاق کی خلاف ورزی قرار دیا گیا۔

ابوظہبی ٹی 10 کی انتظامیہ کے مطابق شاداب خان کو ضابطہ اخلاق کے لیول ون کے آرٹیکل 2.8 کی خلاف ورزی کا مرتکب پایا گیا جو میچ کے دوران امپائر کے فیصلے پر ناراضی ظاہر کرنے سے متعلق ہے۔

Check Also

1500 روپے کے پرائز بانڈ کی 108ویں قرعہ اندازی،پہلا انعام کس نے جیتا، لسٹ جاری

نیشنل سیونگز نے 1500 روپے کے پرائز بانڈ کی 108ویں قرعہ اندازی کے ابتدائی نتائج …

Leave a Reply

Your email address will not be published. Required fields are marked *