نیتن یاہو نے ایران سے جنگ میں جادو اور جنات کا سہارا لیا، ایرانی صحافی کا حیران کن دعویٰ

ایران کے معروف صحافی اور پاسدارانِ انقلاب کے ترجمان اخبار “جوان” کے سابق ایڈیٹر عبداللہ گنجی نے دعویٰ کیا ہے کہ حالیہ اسرائیل-ایران جنگ کے دوران اسرائیلی وزیراعظم بنیامین نیتن یاہو نے مبینہ طور پر جادو ٹونے، جنات اور مافوق الفطرت ارواح کی مدد حاصل کی۔

گنجی نے سوشل میڈیا پلیٹ فارم ایکس (سابقہ ٹوئٹر) پر لکھا کہ جنگ کے دوران تہران کی سڑکوں پر یہودی علامتوں والے تعویذ اور عجیب و غریب کاغذی ٹکڑے ملے، جنہیں ممکنہ طور پر روحانی حملوں کے لیے استعمال کیا گیا۔

انہوں نے دعویٰ کیا کہ غزہ جنگ کے آغاز کے وقت ایسی اطلاعات بھی لیک ہوئیں جن کے مطابق نیتن یاہو کی ملاقات بعض جادوئی ماہرین سے ہوئی تھی۔

اس بیان پر موساد فارسی کے آفیشل ایکس اکاؤنٹ نے طنزیہ ردعمل دیا اور کہا: “منشیات کا استعمال اور جنوں سے باتیں کرنا کسی ملک کے سربراہ کو زیب نہیں دیتا۔”

اس کے بعد اقوام متحدہ میں اسرائیلی عہدیدار ولید گدبان نے موساد کی پوسٹ کو ری شیئر کرتے ہوئے لکھا: “جن، بھوت تو ہر جگہ موجود ہیں۔”

https://x.com/ab_ganji/status/1942949953485013080?ref_src=twsrc%5Etfw%7Ctwcamp%5Etweetembed%7Ctwterm%5E1942949953485013080%7Ctwgr%5Ecfa4a566309fd75eb26643563eedadc1f3a0c340%7Ctwcon%5Es1_c10&ref_url=https%3A%2F%2Fwww.express.pk%2Fstory%2F2769728%2Fnitn-iao-n-airan-s-jng-mi-jado-aor-jnat-ka-sara-lia-airani-shafi-ka-hiran-kn-daaoi-2769728