جب آپ کو پتا چلے کہ آپ کی ایکس دوبارہ شادی کر رہی ہے، علی ترین کا ملتان سلطانز کی نیلامی پر دلچسپ ردعمل

پاکستان کرکٹ بورڈ (پی سی بی) کی جانب سے پی ایس ایل کی فرنچائز ملتان سلطانز کی نیلامی کے فیصلے پر ملتان سلطانز کے سابق مالک علی ترین نے منفرد انداز میں ردعمل دیا ہے۔

پی سی بی نے پی ایس ایل 11 میں ملتان سلطانز کے معاملات خود چلانے کا اعلان کیا تھا تاہم اب نئی پیشرفت کے مطابق پی سی بی اب ملتان سلطانز کو بھی فروخت کررہا ہے۔

بدھ کو پی سی بی نے ملتان سلطانز کی نیلامی کے لیے اشتہار جاری کر دیا۔

جس کے بعد ملتان سلطانز کے سابق مالک علی ترین نے منفرد انداز میں ردعمل دیتے ہوئے اپنی تصویر شیئر کی۔

علی ترین نے ایکس پر اپنی جم کی ایک تصویر شیئر کی اور ساتھ لکھا کہ’ جب آپ کو پتا چلے کے آپ کی ایکس کی دوبارہ شادی ہورہی ہے’۔

علی ترین کی پوسٹ پر صارفین کی جانب سے بھی دلچسپ تبصرے کیے جارہے ہیں۔

یاد رہےکہ گزشتہ سال پی سی بی نے معاہدے کی خلاف ورزی اور پی ایس ایل کی شہرت کو نقصان پہنچانے کی مہم چلانے پر ملتان سلطانز کےمالک علی ترین کو نوٹس جاری کیا تھا۔

تاہم علی ترین نے پاکستان کرکٹ بورڈکا لیگل نوٹس پھاڑ دیا تھا اور پھر ٹیم کی اونر شپ سے علیحدگی کا اعلان کیا تھا۔