حالات معمول پر آتے ہی پیٹرولیم مصنوعات کی قیمتیں کم کردیں گے، حکومت کی اتحادیوں کو یقین دہانی

حکومت نے اپنے اتحادی جماعتوں کو پیٹرولیم مصنوعات کی قیمتوں میں اضافے سے متعلق اعتماد میں لیا ہے اور یقین دہانی کرائی ہے کہ حالات معمول پر آتے ہی پیٹرولیم نرخوں میں کمی کی جائے گی۔

ایکسپریس نیوز کے مطابق، حکمران اتحاد کی مشترکہ پارلیمانی پارٹی کا اجلاس وزیر دفاع Khawaja Asif کی صدارت میں منعقد ہوا، جس میں وزیر منصوبہ بندی Ahsan Iqbal، ریاض پیرزادہ، بیرسٹر Aqeel Malik، وزیر خزانہ Mohammad Aurangzeb، وزیر پیٹرولیم Ali Pervez Malik اور وزیر پارلیمانی امور Dr. Tariq Fazal Chaudhry سمیت دیگر اہم رہنماؤں نے شرکت کی۔

وزیر مملکت برائے پیٹرولیم علی پرویز ملک نے اجلاس میں موجودہ صورتحال پر تفصیلی بریفنگ دی اور بتایا کہ پیٹرولیم مصنوعات کی بلا تعطل فراہمی یقینی بنانے کے لیے حکومت نے فوری اقدامات اٹھائے ہیں۔

اجلاس کے بعد وزیر پارلیمانی امور ڈاکٹر طارق فضل چودھری نے بتایا کہ مسلم لیگ ن، پیپلز پارٹی، ایم کیو ایم اور دیگر اتحادی جماعتوں کے رہنماؤں نے وفاقی حکومت کی پالیسیوں پر اعتماد کا اظہار کیا۔ اجلاس میں پیٹرولیم مصنوعات کی قیمتوں سے متعلق مزید اقدامات پر غور کیا گیا اور وزرا نے یقین دہانی کرائی کہ حالات معمول پر آتے ہی قیمتوں میں کمی کی جائے گی۔