THE PUBLIC POST
پشاور کی سیشن کورٹ میں گھریلو تشدد کے مقدمے کی سماعت کے دوران عدالت نے خاتون کے شوہر سمیت دیگر نامزد ملزمان پر فردِ جرم عائد کر دی۔
مدعی کے وکیل کے مطابق متاثرہ خاتون کو جہیز اور گھریلو تنازعات کی بنیاد پر مبینہ طور پر تشدد کا نشانہ بنایا گیا۔ عدالت نے تمام ملزمان کے خلاف باقاعدہ ٹرائل شروع کرنے کا حکم جاری کر دیا ہے۔
عدالت نے ہدایت کی ہے کہ پولیس آئندہ سماعت تک انکوائری رپورٹ پیش کرے، جبکہ متاثرہ خاتون کو کیس سے متعلق گواہوں کی فہرست عدالت میں جمع کرانے کی بھی ہدایت کی گئی ہے۔
سماعت کے اختتام پر عدالت نے کیس کی مزید کارروائی 13 اپریل تک ملتوی کر دی۔
