THE PUBLIC POST
کراچی کے مختلف علاقوں سے لاپتہ ہونے والے 6 افراد کا سراغ پولیس نے لگا لیا اور رپورٹ عدالت میں جمع کروا دی۔
سندھ ہائی کورٹ کے آئینی بینچ میں لاپتہ افراد کی بازیابی سے متعلق درخواستوں پر سماعت ہوئی۔
عدالت میں جمع کروائی گئی رپورٹ میں تفتیشی افسر نے بتایا کہ جمشید ٹاؤن تھانے کی حدود سے لاپتہ محمد آصف، سمیع اللّٰہ اور رضویہ سوسائٹی سے لاپتہ مجید، شاہ لطیف ٹاؤن سے لاپتہ جہانزیب گھر واپس آ چکے ہیں۔
تفتیشی افسر نے بتایا ہے کہ گلشنِ اقبال سے لاپتہ ریما نے پسند کی شادی کر لی ہے، کورنگی انڈسٹریل ایریا سے لاپتہ مسرت ایدھی ہوم میں موجود ہیں۔
پولیس رپورٹس اور درخواست گزاروں کے وکلاء کے اطمینان کے بعد عدالت نے تمام درخواستیں نمٹا دیں۔
