THE PUBLIC POST
پاکستان تحریکِ انصاف کے بانی عمران خان کی ہمشیرہ علیمہ خان نے کہا ہے کہ بروقت اور مناسب طبی سہولیات نہ ملنے کے باعث بانی پی ٹی آئی کی آنکھ کو شدید نقصان پہنچا ہے، جو کہ ان کے بقول 85 فیصد تک متاثر ہو چکی ہے۔
اڈیالا جیل کے قریب فیکٹری ناکے پر میڈیا سے گفتگو کرتے ہوئے علیمہ خان نے بتایا کہ عمران خان نے اپنے وکیل سلمان صفدر کو آگاہ کیا کہ آنکھ میں پہلا انجیکشن لگنے کے بعد کچھ بہتری محسوس ہوئی تھی۔
انہوں نے اس بات پر زور دیا کہ بانی پی ٹی آئی کی آنکھ کی بنیادی طبی حالت (انڈر لائن کنڈیشن) کا تعین نہایت ضروری ہے، کیونکہ مکمل تشخیص کے بغیر بیماری کی اصل وجہ معلوم نہیں کی جا سکتی۔
علیمہ خان نے مزید کہا کہ ان کے خاندان کے خلاف جھوٹے مقدمات قائم کیے جا رہے ہیں، جبکہ انہیں جیل کے داخلی دروازے سے ہٹنے کی ہدایات بھی دی گئیں۔
